کچھ اپنے بارے میں

               میرانامرشید احمد ا وروالد  کا نام پروفیسر فضل معبود ہے۔ہمارے گاوں کانام برہ بانڈی ہےیہ سوات کے علاقہ نیک پی خیل تحصیل کبل میں واقع ہے۔ہمارا گاوں پہاڑوں کے دامن میں واقع ہے یہاں سےایک بڑی سڑک گزرتی ہےجو  مٹہ کی طرف جاتی ہے اورشور،گٹ پیوچار،سخرہ اور بیہا کی طرف جاتی ہے۔یہ علاقہ تاریخی اور جغرافیایی  طور پر بھی بہت اہم رہا ہے۔

     میرے دادا کا نام شاہ حیدر تھا ۔وہ ۱۹۴۸ میں کشمیر کے جنگ میں بھی شریک ہویئے تھے اور اس دور کے واقعات ہمیں سناتے تھے ۔وہ اس غزا میں شرکت کیلئے پیدل سوات سے گیے تھے اور لڑتے ہویئے سرینگر تک جا پہنچے تھے واپس بھی اسی راستے سے پیدل ایے تھے۔میرے دادا سوات کے فوج یا دوسرے لفظون میں لشکر میں صوبیدار میجر تھے ۔والی سوات ک  ان پر اعتماد کا یہ حال تھا کہ انکی ملازمت سے سبکدوشی کے بعد بھی انکا عہدہ خالی رہا اور ریاست سوات کے خاتمے تک انہوں نے کسی اور کو یہ عہدہ تفویض نہیں کیا۔اپنے خاندان کے بارے مین تفصیل سے میں اپنے دوسرے کتاب "زندگی کی شاہراہ پر " میں لکھوں گا

 میرے والد صاحب مانسہرہ کے پوسٹ گریجویٹ کالج سے پرنسپل کی حیثیت میں ریٹایئرد ہوگیے تھے۔انہوں نے ولانووا یونیورسٹی کیلیفورنیا (یو ایس اے) سے سیاسیات مین تعلیم حاصل کی ہے۔

                میں نے ابتدایی تعلیم اپنے گاوں کے سکول میں حاصل کی جو کہ ایک قسم کا خانہ بدوش سکول تھا کبھی مسجد اور کبھی حجرے میں ۔پہلی دو جماعتیں ہم نے اسی طرح گھوم گھوم کر گزاریں تھیں۔ٍسوات ریاست تھا جو کہ پاکستان کے بننے سے پہلے  قایم ہوگیا تھا۔

   میں نے ابتدایی تعلیم گاوں کے سکول سے حاصل کی ۔اسکے بعد گورنمنٹ ھایی سکول ڈھیری سے میٹرک پاس کیا۔اور ایٖف ایس سی گورنمنٹ ڈگری کالج مٹہ سے پا س کیا۔بی ایس سی میں نے  گورنمنٹ پوسٹ گریجویٹ جھانذیب کالج سے پاس کیا ۔اور ایم ایس سی کی ڈگری گومل یونیورسٹی سےحاصل کی لی۔

               اسکے بعد ریڈیو پاکستان سے بطور پروڈیوسر  منسلک ہوگیا ۔ٗ میں نے ریڈیو پروگرام کے سارے اصناف اور سارے شعبوں میں کام کیا ہے۔ڈرامہ،موسیقی،تقاریر ،دستاویزی پروگرام،فیچر،کرنٹ افیرز( حالات حاضرہ ) کے پروگرام،مذہبی پروگرام،دیہاتی بھاییوں کیلیے پروگرام ،غرض جتنے بھی فارمیٹ ہیں سب پر کام کیا ہے۔میں نے ریڈیو پاکستان پشاور ،تربت،ایبٹ اباد،اور کرنٹ افیرز چینل اسلام اباد میں بھی خدمات انجام دی ہیں۔اور دو سال کیلے (۲۰۰۷ سے ۲۰۰۹)بیجینگ میں چاینا ریڈیو انٹر نیشنل  بیجینگ میں اپنے فرایئض سر انجام دیتا رہا  ہوں۔اور اجکل این بی ایس اسلام باد میں بحیثیت پروگرام مینیجر خدمات سر انجام دے رہا ہوں